الحمل

مهنياً:عندك ضغط شغل وامور جماعية ونتبه صحياً ..
مانك مرتاح وضغط كتير عندك وبدك تلحق وتخلص ومسؤوليات كتيرة على كتافك بهالاوضاع صعبة بتواجه الاحداث وبتسعى لتحقق ماتريد بعرف عم تصبر كتير وتعبت لحالك ومن ناس المصالح الي عم تستغل طيبة قلبك خفف عصبية وانفعال روق رح تلاقي تحسن منيح بعد هاليوم وانفراج وحلول ..
عاطفياً :لا تحبس شي بقلبك ولا تتردد .. عم تعاني من تصرفات الشريك وحكي ناس هاشي بيعملك توتر وعصبية بدي اياك طنش ولا ترد ع حدا وحاول تفضفض الي بداخلك افضل الك وكون بعيد عن المشاكل المعقدة الي عم تصير معك وروق هاليوم لنتخلص من هاتعب ..
صحياً:بتعاني نقص المناعة من بعض الامراض ريح حالك ولا تبذل جهد فوق طاقتك وعتمد على بعض الحبوب والخضار ..

الثور

مهنياً:بتعاني مشكلة بمحيطك وصار لازم تحط حد لبعض توترات الي عم تعاني منا بشغلك وضمن عيلتك عم تكره حدا ياكل حقك ومابتسكت عن الغلط وبتكره نقد وانت عنيد كتير اليوم لهيك نتبه لردود افعالك لانك مو راضي عن الوضع .. بتتحسن الامور لا تخاف المهم تهدي حالك بتكون اجتماعي وبتكتر العلاقات ولقاءات ودعم وفي ناس غاليين عليك وبتخلص شي مهم وبترتاح ..
عاطفياً :تغيرات عاطفية عندك وعلاقات متعددة وسرية يوم منيح عم تلاقي اعجاب من الجنس الاخر كمان في غيرة وهاشي ممكن يعمل سوء تفاهم او مشكلة حاول تكون واضح وتعطي وجهة نظرك ورح شريكك بلاخص اذا كان غيور كتير توقع يدخل بخصوصياتك يوم مانو سيء افضل من قبل وتطورات قريباً.
صحياً:الاعمال المتعبة والمجهدة تسبب أمراض كثير المفاصل ومشاكل القلب وارهاق نتبه لصحتك هالفترة.

الجوزاء

مهنياً:اختبار او امتحان ومقابلة وقصص مهنية واجتماعية .. عندك شغل ومهام جديدة ومسؤوليات عم تضاعف واذا بحاجة مساعدة فيك تطلب ولا تتأخر بشغلك او تغيب وحاول تستغل كلشي لصالحك وتكون ايجابي بيومك بدون ماتدخل بأي مواجهة مع حدا بلاخص بشغلك حتى ماتتعرض لنقد وكلام من ورا ضهرك يصير .. عم تنشط اجتماعياً وعزائم .
عاطفياً :فكر بعقلك ولا تسمح لطيبة قلبك تسكر طريق عليك .. عم ترفض تفوت بجدالات ونقاشات مارح تجيب غير وجع راس وممكن توصل لتنهي علاقتك وهاد شي كلو بكون الو تأثيرات عاطفية بدي منك لا تعتب لا ع الشريك ولا على حدا فكر بحالك ونتظر شوية وقت لتعرف كيف تحل امورك او تتخذ قرار مهم ومصيري بعلاقتك ..
صحياً:بحاجة انظام غذائي جيد تحت اشراف أخصائي وبتحس عندك جفاف بالفم اثناء نوم لهيك أكثر من شرب الماء ..

السرطان

مهنياً:يوم في تقدير لجهودك وتنقلات وسفر .. يوم داعم الك خيارات اكبر واوسع وحرية عم تكون بيومك لتنجز اعمالك وتخلص المهم عندك فرصة جديدة حاول تستغل الفرص ختى ماتندم على شي وختار صح بدون تسرع بخياراتك عندك لقاءات كتير واتصالات من بعيد وناس جديدة ولابد انك تبلش بشي جديد بيومك وبتعمل تغييرات بشكلك واهتمامات شخصية …
عاطفياً :جذاب وساحر ومن ايام الحلوة عندك لتلاقي حلول لوضعك وتتقرب من الشريك اكتر وفيك تلتقي معو وتقضي وقت او تسهر معو وممكن اتصال مميز ولاعزب ممكن افضل الايام عندك لتبادر او لتكسب قلب حدا بهيك يوم…
صحياً:خلي عندك ارادة وتصميم لتتخلص من بعض المشاكل الصحية التي تأتي بين الحين والاخر وفيك تتخلص من زيادة الوزن ..

الأسد

مهنياً:نظم امورك وبلاخص المالية وحط حد للفوضى .
حاول ماتوقع بأخطاء وقعت فيها قبل حتى ماتتعرض لخيبة امل وتوتر يوم افضل الك نوعاً ما عم يدور بفلك بيت المال وحلول ولتطلع من حالتك تدريجي وتغيرات نفسية افضل وبتوصل وبتنجح عندك مال اليوم حتى في ديون ونفقات ولتزامات بتتخلص منا والبعض بيخلص من ضرائب وبكون في قصص بتتعلق بمعاملات مالية او ميراث .. نظم امورك وعيد حساباتك.
عاطفياً :انا مابدي منك تكبر القصص وحاول تمرق نقاشات على خير واذا كان في سوء تفاهم كمان حاول تتجاوز هاشي وعطي فرصة جديدة لو تنازلت شوي بدك طول بالك وكلشي قابل للحل بلاخص انو شريك اليوم عندو غيرة وشكوك كتيرة وجهز حالك لأسئلة ..
صحياً:عليك بتناول انواع الفاكهة والخضراوات التي تعطيك بعض الفيتامينات والمعادن لان بتوقع عندك نقص فيتامينات .

العذراء

مهنياً:ركز على الحلول ونتبه على شراكاتك العاطفية والمهنية .. بعدو هاليوم في شوية تعب وانت مو طايق شي ومالك نفس وعم تتعرض لبعض المضايقات بقصص شخصية عم تشغلك وعم تعاني ضغوط مالية وشراكات متعبة عم يكون سهل استفزازك لهيك بدك تنتبه تخسر شريك او حدا بتحبو .. وحاول كون بعيد عن المواجهات والمشاكل وركز على الحلول بأي شي ممكن يخدم بيتك وشغلك .. وفرصة للبعض يوصلو مال من شريك او موارد مشتركة ..
عاطفياً :المرتبط عم تنفعل من ولا شي حاول تهدي وتنتبه لعلاقتك حتى ماتنتهي او تسبب قطيعة وسوء تفاهم برغم انت محتار من جواتك لهيك ماعم تقدر تحدد خياراتك .. الاعزب يومك عم يكون افضل وعندك اوقات حلوة وحدا عم يتقرب منك والقلب بدق من جديد وشراكة عاطفية عندك ..
صحياً:اعتمد بعلاجك على الاعشاب طبيعية بلاخص امراض المعدة والبلعوم واي عملية عندك اجلها هالفترة

الميزان

مهنياً:امور صحية بعدا متعبتك وشغل وناس كتار .. بعدك عم تعاني ضغوط ومسؤوليات بشغلك وببيتك ولقاءات عم تعبك بدل ماتريحك برغم من تعبك بدي ياك تخلص شغلك وألتزاماتك بكير وتستغل عامل الوقت .. عندك مبادرات وأراء وأقتراحات جديدة ولقاء مهم وشخص غالي ..كون جاهز لاي مستجدات جديدة او شغل جديد ..
عاطفياً :عندك هدوء عاطفي وكلشي ممكن يتحسن ويتصلح وتدريجي بتتغير امورك .. كون هدي وركز منيح ولا تخلي الخيارات تعبك بدي منك لا تحتار لتوصل لشي لبدك ياه واستغل هاشي لتعبر عن مشاعرك ورومنسيتك وتتقرب اكتر وتبادر لشيء جديد بعلاقتك .
صحياً:في كريب والتهابات بلبلعوم نتبه لحالك ودفي جسمك وخفف تدخين ..

العقرب

مهنياً:بتقدم خطوة جديدة وحب ومال عندك .. من الايام داعمة والمميزة لتطلع من تعبك وتتقدم خطوة جديدة بعد ضغوط .. تحسن مهني مالي حرية وافكار جديدة وتحرر من قيود وبتكسب الحظ بهاليوم .. ناس جديدة وعلاقات واجواء حلوة وداعمة وحلول لمشكلة او تأخير او تأجيل كان موجود استغل يومك لتطلع وتغير جو وعزيمة عندك ..
عاطفياً :بتتحسن امورك ومن الايام العاطفية وفيها شغف وحب ورومنسية .. بتسحر الكل بطلتك وجاذبيتك وقلبك بيرتاح بهاليوم في اتصالات ولقاءات واوقات مميزة وبتعيش اجواء حلوة مع الشريك او اشخاص بترتاح للقرب منن واذا في زعل ممكن تصير صلحة وحب قديم بتشوفو او عم تتواصل معو .. نتبه لعلاقاتك السرية اذا موجودة حتى ماتسبب قلق وتوتر وبلاخص المتزوجين .
صحياً:حاول تعتمد على المشروبات الساخنة التي تحتوي اعشاب طبيعية شاي الاخضر والكمون وليمون كتير منيح للوقاية من بعض الامراض وتفخة ..

القوس

مهنياً:القمر بكمل ببرجك مافي شي بيبقى على حالو روق وهدي بشغلك وبيتك وبتعاملك مع الكل .. يمكن مو مرتاح وقصص كتيرة عم تشغلك والحمل كبير عليك لازم تكون هادي وتركز لتطلع من تعبك وماتوتر الوضع اكتر بلاخص امور بالبيت عم تفرض نفسها تغيرات بالبيت وتصليحات ولازم تلاقي حل لمشكلة عائلية كون رايق لتلاقي تحسن تدريجي بعد هاليوم.
عاطفياً :لا تخلط الاوراق بهاليوم وحاول تفصل كلشي عن علاقاتك العاطفية ومشاكل تانية فيك تحلها بعيد عن حبك ولا تخلي هاشي يأثر على علاقتك بشريك وكون متفهم للوضع في تغيرات من قبل الشريك تجاهك وفي مفاجئات المهم تروق وتخفف انفعال وعصبية وامورك رايحة بتجاه الافضل..
صحياً:انت بحاجة لوقاية من بعض الأمراض لهيك كون نباتي وأعتمد على الحبوب وسوائل هالفترة ..

الجدي

مهنياً:تغيرات بشغل نقل وسفر وتحركات جديدة .
عم تتعب وبحاجة لراحة بس ماعم تظبط معك والحمل والمسؤوليات كتير عليك لا تستسلم للوضع وكون قد الحمل لتنجح وتوصل قدامك فرصة حلوة حاول تستغلها وتحسن بعلاقاتك وبتقنع واتصالات ولقاءات مهمة وبكون الك شعبية وناس بدا القرب منك يوم منيح لدخول بكل جديد وعلم جديد وسفر قصير والبعض ممكن يقبض مال .
عاطفياً :قصة أعجاب وجاذبية والاضواء مسلطة عليك .
خليك واثق بحالك وبشريك ولا تخاف كلشي بكون منيح واذا في توتر او زعل بترجع الامور مهما طولت .. والبعض يمكن الغيرة تكون سبب لمشاكل خفف شكوكك وغيرتك الي ممكن عم توصل لحد انو ينفر الشريك منك نتبه .. ولاعزب بتحس بتطورات مع حدا جديد او علاقة مع حدا عم تتحول لحب ..
صحياً:عم تعاني قلق ومخاوف داخلية وهواجس ريح حالك وكلشي بيجي من الله حلو لا تتوسوس.

الدلو

مهنياً:وقت يكون القمر بالقوس فاتوقع يومك مالي بين قبض ودفع وعم تكون على أخر رمق وجيوبك بلشت تفضى كتير عم يكون عليك تراكمات مالية ديون واقساط وفواتير والتزامات وتصليحات ومشتريات وقصة دين عندك لازم تفكر بطريقة جديدة تلاقي حلول او موارد جديدة اذا بحاجة فيك تطلب وقبض عندك كمان .. بس هدي ع مصاريفك ولازم تتعلم من الماضي ..
عاطفياً :جرحك صعب وبعدو ماعم يطيب ماعم تقدر تصدق او تنسى شي الي صار لهيك بدي منك تصارح نفسك وتسايرها احسن ماتبقى عايش اوهام .. يوم بحاجة لمبادرة او تنازل عم تعاني تأرجح المواقف والاحداث.. ساير وأبتعد عن نقد وتأفف لو كان شريك مهمل وتصرفاتو مزعجة .. وممكن حب قديم او علاقة اخرى بتكون ركز على مستقبلك ولا تهتم لحدا ..
صحياً:عم تعاني تعب نفسي وجسدي بسبب ضغوط ريح حالك قد مافيك .

الحوت

مهنياً:القمر بكمل ببرج القوس نهارك مميز بالحظ وطاقة وأنفراج عندك .بيدعمك الحظ وبترتاح من قصص تعبتك وبتحل شوية مشاكل وبتمتلك طاقة ايجابية لتطلع من حالتك وعم تكتشف كتير ناس ع حقيقتها انت افضل وقادر ترجع الثقة وتحقق اهدافك الشخصية بالمجمل يوم داعم اذا بدك تعمل اي شي مهم وتحدى وتكون جريء وبساعدك للاجواء حلوة وعلاقات وخبر حلو وناس جديدة وعزيمة وفيك تعمل تغييرات ..
عاطفياً : جاذبيتك عاليه وبتمتلك الحب والحنان العاطفي بيومك .. المرتبط بتزيد من عاطفتك وبتكون مندفع زيادة عندك رومنسية ومشاعر كبيرة المهم لا تخلي حدا يستغل طيبة قلبك وحبك الو لان الي فيك مكفيك علاقات سرية عم تطور ولبعض بفوت بعلاقة تانية وشريك قديم ممكن يرجعلك والاعزب ارتباط وصداقة بتتحول لحب .
صحياً:العصبية الزائدة قد تسبب امراض كثير منها ضغط الشرايين والعين والمعدة نتبه لعصبيتك ..