نضال الأحمدية تنتقد طريقة تعاطي فاتن موسى مع طلاقها من مصطفى فهمي
انتقدت الإعلامية اللبنانية نضال الأحمدية مواطنتها وزميلتها الإعلامية فاتن موسى دون أن تسميها، وذلك في مقطع فيديو قصير، خرجت به عبر حسابها الرسمي في تيك توك.
عبرت فيه عن استغرابها من ظاهرة خروج النساء واشتكائهن من أزواجهنَّ على السوشيال ميديا، وتوثيقهنَّ تفاصيل طلاقهنَّ المرة في منشورات علنية وخاصة بعد الطلاق.
وقالت الإعلامية اللبنانية في المنشور:” إذا بتلاحظه المشاكل اللي بتصير بعد الطلاق، ولامرة شفنا رجال طلع وشتم طليقته، أو عم يعمل متل اللي عم يعملوه عم نشوف شو عم يعملوا الحريم، أنا بسميهم حريم لأنهم مش ستات”.
وتابعت:” حتى ولو كنت نسوية، ما بعرف كيف امرأة بـ تعيش مع رجال بـ غرفة وحدة وبينهم أسرار وبينهم أعز ما خلق الله، اللي هي الحميمية، بتطلع بتشتم فيه وبتلعن دين سلّافه، بهيدي الحالة كيف رجال بقى رح يجرأ يتزوج امرأة، مؤسسة الزواج عم تنهار لأن مفاعيلها هيك على السوشيال ميديا”.
واستشهدت نضال الأحمدية بـ شكوى الإعلامية فاتن موسى من زوجها مصطفى فهمي، قائلة:” أخدت تيابي وسرق لي الشوز وطلقني غيابي وعمل”.
ووجهت نصيحة لـ جميع النساء حول الطريقة المثلى في التعامل مع الخلاف والانفصال:” بوجه نصيحة لكل النساء متل ما أمر ربنا بـ الستر حتى ولو ما عندها أولاد، كرمال هي شرفها، كرمال هي كرامتها”.
واستطردت:” شي بقرف اللي عم نشوفه، كل ست بـ تطلق، شفنا طليقة وائل كفوري وكتير حالات لحتى ما أرجع فتح أبواب، شي مو محترم، كتير منا، تعذبنا وعانينا بس سترنا، كرمالنا كرمال الأيام اللي عشناها، حلوة أو مرة”.
